Şinlərin azotla doldurulması

Şinlərin azotla doldurulması standart hava ilə doldurulmaya alternativ xidmət növüdür. Azot yüksək təmizlik dərəcəsinə malik inert qazdır və şin daxilində təzyiqin daha sabit saxlanılmasına, həmçinin daxili hissələrin oksidləşməsinin azalmasına kömək edir.

Radius-da şinlərin azotla doldurulması:

• Şindəki mövcud hava tam boşaldılır.

• Şin xüsusi azot generatoru vasitəsilə yüksək təmizlik dərəcəsinə malik azotla doldurulur.

• Təzyiq avtomobil istehsalçısının tövsiyə etdiyi norma üzrə tənzimlənir.

• Doldurulmadan sonra şinlərin təzyiqi yenidən yoxlanılır.

Azotun üstünlükləri

• Şin daxilində təzyiqin daha sabit saxlanılmasına kömək edir.

• Temperatur dəyişikliklərinin təzyiqə təsirini azaldır.

• Şin və diskin daxili hissələrində oksidləşmə və korroziya riskini azaldır.

• Şin daxilində nəmin yaranma ehtimalını minimuma endirir.

• Şinlərin bərabər aşınmasına və xidmət müddətinin uzanmasına kömək edir.

• Yüksək sürət və uzunmüddətli istismar zamanı şinlərin iş qabiliyyətinin qorunmasına dəstək verir.

Əlavə məlumat

• Atmosfer havasının təxminən 78%-i azot, 21%-i oksigen, qalan hissəsi isə digər qazlardan ibarətdir.

• Müasir azot generatorları yüksək təmizlik dərəcəsinə malik (95–99%) azot qarışığı hazırlaya bilir.

Qeyd: Azotla doldurulmuş şinlərdə də təzyiq mütəmadi olaraq yoxlanılmalı və avtomobil istehsalçısının tövsiyə etdiyi norma üzrə saxlanılmalıdır.

Ventilin dəyişdirilməsi

Ventil şinin hermetikliyini təmin edən əsas elementlərdən biridir. İstismar zamanı temperatur, təzyiq və mərkəzdənqaçma qüvvəsinin təsiri altında köhnəlir və hava sızdırmağa başlaya bilər.

Radius-da icrası:

• Köhnə ventil çıxarılır.

• Yeni ventil quraşdırılır.

• Ventilin hermetikliyi yoxlanılır.

• Şin istehsalçının tövsiyə etdiyi təzyiqə qədər doldurulur.

Təkərlərin yerdəyişdirilməsi

Təkərlərin yerdəyişdirilməsi onların bərabər aşınmasını təmin edir, xidmət müddətini uzadır və sürüş komfortunu artırır.

Radius-da icrası:

• Təkərlər avtomobil istehsalçısının tövsiyə etdiyi sxem üzrə yerdəyişdirilir.

• Şinlərin vəziyyəti və aşınma səviyyəsi yoxlanılır.

• Təkərlər quraşdırılır və boltlar tövsiyə olunan sıxma momentinə uyğun bərkidilir.

M/T şinlərinin montajı

M/T (Mud Terrain) şinləri ağır çəki və iri protektor quruluşuna malik olduğundan montaj və balanslaşdırma zamanı xüsusi yanaşma tələb edir.

Radius-da icrası:

• Şin və diskin optimal mövqeyi müəyyən edilir.

• Zərurət olduqda şin disk üzərində çevrilərək balanslaşdırma təkrar aparılır.

• Minimum balans yükü ilə ideal balans təmin edilir.

Alçaq profilli şinlərin montajı

Alçaq profilli şinlər standart şinlərlə müqayisədə daha həssas quruluşa malikdir və montaj zamanı xüsusi avadanlıq tələb edir.

Radius-da icrası:

• Xüsusi montaj avadanlığından istifadə olunur.

• Şin və diskin zədələnməsinin qarşısı alınır.

• Bütün əməliyyatlar təcrübəli texniki mütəxəssis tərəfindən həyata keçirilir.

ROF (Run Flat) şinlərinin montajı

ROF texnologiyalı şinlər gücləndirilmiş yan divar quruluşuna malik olduğundan onların montajı xüsusi avadanlıq və peşəkar yanaşma tələb edir.

Radius-da icrası:

• Montaj Run Flat şinləri üçün nəzərdə tutulmuş xüsusi avadanlıqla həyata keçirilir.

• Şinin və diskin zədələnməsinin qarşısını alan xüsusi montaj texnologiyasından istifadə olunur.

• Montaj və balanslaşdırma istehsalçının tələblərinə uyğun yerinə yetirilir.

Şinlərin utilizasiyası

İstismara yararsız şinlər ekoloji tələblərə uyğun şəkildə utilizasiya edilir.

Radius-da icrası:

• İşlənmiş şinlər qəbul edilir.

• Şinlər təkrar emal üçün aidiyyəti müəssisələrə təhvil verilir.

Şinlərin paketlənməsi

Demontaj edilmiş şinlər daşınma və saxlanma zamanı təmizliyin qorunması məqsədilə xüsusi paketlərə yerləşdirilir.

Radius-da icrası:

• Şinlər xüsusi qoruyucu paketlərə qablaşdırılır.

• Paketlənmiş şinlər müştəriyə təhvil verilir və ya daşınmaya hazırlanır.

TPMS inspeksiyası (Tire Pressure Monitoring System – Şin Təzyiqinə Nəzarət Sistemi) təkərlərdə quraşdırılmış təzyiq sensorlarının və sistemin düzgün işləməsinin yoxlanılması xidmətidir. Müntəzəm inspeksiya TPMS sisteminin etibarlı işləməsini təmin edir və sürücünün təkər təzyiqi ilə bağlı vaxtında məlumat almasına kömək edir.

Radius-da TPMS inspeksiyası:

Vizual yoxlama

• Sensorlu ventillərin zədələnməsi, korroziyası və hava sızması yoxlanılır.

• Ventil qapaqlarının vəziyyəti və düzgün quraşdırılması nəzarət edilir.

Elektron diaqnostika

• TPMS diaqnostika cihazı vasitəsilə hər bir sensorun siqnalı yoxlanılır.

• Sensor batareyalarının vəziyyəti qiymətləndirilir.

Təzyiq göstəricilərinin yoxlanılması

• TPMS sisteminin göstərdiyi təzyiq dəyərləri manometr ilə ölçülən göstəricilərlə müqayisə edilir.

• Uyğunsuzluq aşkar edildikdə sensorun kalibrlənməsi və ya dəyişdirilməsi həyata keçirilir.

Sistemin proqramlaşdırılması

• Sensor ID-lərinin avtomobilin idarəetmə blokunda (ECU) düzgün qeydiyyatda olduğu yoxlanılır.

• Zərurət olduqda sensorlar yenidən proqramlaşdırılır.

Sınaq yoxlanışı

• Avtomobil hərəkətdə olarkən TPMS xəbərdarlıq sistemi və indikatorlarının düzgün işləməsi yoxlanılır.

TPMS inspeksiyasının üstünlükləri

• Şin təzyiqinə fasiləsiz nəzarəti təmin edir.

• Təhlükəsizlik risklərinin azalmasına kömək edir.

• Şinlərin qeyri-bərabər aşınmasının qarşısını alır.

• Yanacaq sərfiyyatının optimallaşdırılmasına dəstək verir.

• TPMS sisteminin etibarlı və düzgün işləməsini təmin edir.

TPMS sensorunun quraşdırılması (Tire Pressure Monitoring System – Şin Təzyiqinə Nəzarət Sistemi) avtomobilin şin təzyiqinə nəzarət sisteminin düzgün işləməsini təmin etmək məqsədilə sensorun diskə quraşdırılması xidmətidir. TPMS sensoru ventil üzərində və ya təkərin daxilində yerləşərək şin təzyiqini davamlı izləyir və məlumatı avtomobilin idarəetmə sisteminə ötürür.

Radius-da TPMS sensorunun quraşdırılması:

Hazırlıq

• Avtomobilin marka və modelinə uyğun TPMS sensoru seçilir.

• Montaj üçün zəruri avadanlıqlar (montaj-demontaj dəzgahı, dinamometrik açar və TPMS proqramlaşdırma cihazı) hazırlanır.

Köhnə sensorun çıxarılması

• Təkər diskdən demontaj edilir.

• Köhnə TPMS sensoru ehtiyatla çıxarılır.

Yeni sensorun quraşdırılması

• Yeni TPMS sensoru diskin ventil yuvasına düzgün şəkildə yerləşdirilir.

• Sensor istehsalçının tövsiyə etdiyi sıxma momentinə uyğun bərkidilir.

Təkərin yenidən yığılması

• Şin diskə montaj edilir.

• Şin istehsalçının tövsiyə etdiyi təzyiqə qədər doldurulur.

• Zərurət olduqda TPMS sensoru avtomobilin idarəetmə blokuna proqramlaşdırılır və sistemin düzgün işləməsi yoxlanılır.

TPMS sensorunun proqramlaşdırılması və öyrədilməsi (Relearn)

TPMS sensorunun proqramlaşdırılması və öyrədilməsi (Relearn) yeni quraşdırılmış və ya dəyişdirilmiş sensorların avtomobilin idarəetmə sistemi tərəfindən tanınmasını təmin edən prosedurdur. Bu əməliyyat TPMS sisteminin düzgün və dəqiq işləməsi üçün vacib mərhələdir.

Radius-da TPMS proqramlaşdırılması və öyrədilməsi:

Sensorun proqramlaşdırılması

• TPMS proqramlaşdırma cihazı vasitəsilə sensorun identifikasiya nömrəsi (Sensor ID) avtomobilin idarəetmə blokuna (ECU) ötürülür.

• Avtomobil istehsalçısının tələblərinə uyğun olaraq proqramlaşdırma prosesi həyata keçirilir.

Relearn proseduru

• Zərurət olduqda TPMS sisteminin Relearn (yenidən öyrədilmə) proseduru icra edilir.

• Prosedurun icra qaydası avtomobilin marka və modelindən asılı olaraq fərqlənə bilər.

Yoxlanılması

• Şin təzyiqi manometr vasitəsilə ölçülür və TPMS sensorunun göstərdiyi dəyərlərlə müqayisə edilir.

• Avtomobilin cihazlar panelində TPMS xəbərdarlıq indikatorunun düzgün işləməsi yoxlanılır.

Nəticə

Düzgün proqramlaşdırılmış və kalibrlənmiş TPMS sensorları şin təzyiqinin dəqiq izlənilməsini təmin edir, təhlükəsizliyi artırır, yanacaq sərfiyyatının optimallaşdırılmasına və şinlərin xidmət müddətinin uzadılmasına kömək edir.

Radius-un unikal şin sığortası müştərilərə təqdim olunan xüsusi xidmət paketidir. Bu xidmət satın alınmış şinləri gözlənilməz yol risklərindən qoruyur və standart istehsalçı zəmanətini tamamlayan əlavə təhlükəsizlik təmin edir.

Radius-un şin sığortasının üstünlükləri:

Qəfil zədələnmələrin zərərindən qorunma

• Yol çuxurları, bordürlər, iti metal əşyalar və digər xarici təsirlər nəticəsində yaranan zədələnmələri əhatə edir.

Vəsaitin müştəri balansına qaytarılması

• Şin sığorta şərtlərinə uyğun olaraq bərpa olunmayacaq dərəcədə zədələndikdə, onun dəyəri müştərinin balansına qaytarılır.

Pulsuz təmir xidməti

• Şin təmir oluna bilən vəziyyətdə olduqda Radius servisində ödənişsiz təmir xidməti göstərilir.

Əlavə etibarlılıq

• Müştəri yalnız keyfiyyətli məhsul deyil, həm də əlavə xidmət və əminlik təminatı əldə edir.

Nəticə

Radius-un unikal şin sığortası gözlənilməz yol hadisələri zamanı maliyyə riskini azaldır, etibar yaradır və şinlərin istismarında əminlik təmin edir.

SealFix protektor hissəsində yaranmış deşiklərin müasir təmir texnologiyası ilə bərpası üsuludur. Bu üsul mismar, vint və ya digər iti əşyalar nəticəsində yaranan deşiklərin xüsusi elastik və hava keçirməyən material vasitəsilə etibarlı şəkildə bağlanmasına imkan verir.

Radius-da SealFix təmiri:

• Zədələnmiş sahə yoxlanılır və təmirə yararlı olduğu müəyyən edilir.

• Deşik xüsusi alətlə hazırlanaraq SealFix materialı tətbiq edilir.

• Təmir olunan sahə hermetik şəkildə bağlanır və hava sızdırmazlığı təmin edilir.

• Şinin təzyiqi yoxlanılır və sızma testi aparılır.

SealFix təmirinin üstünlükləri

• Şinin protektor hissəsində yaranan deşiklərin etibarlı təmirini təmin edir.

• Elastik və hava keçirməyən material sayəsində uzunmüddətli sızdırmazlıq yaradır.

• Qısa müddətdə tətbiq olunur və istismar fasiləsini minimuma endirir.

• Şinin balansına təsir göstərmir.

• Təmir edilmiş şinin təhlükəsiz istismarına kömək edir.

Qeyd: SealFix üsulu yalnız təmirə yararlı protektor zədələri üçün tətbiq edilir. Yan divarda, çiyin hissəsində və ya istehsalçının təmirə yararsız hesab etdiyi zədələrdə bu üsuldan istifadə edilmir.

Mini Combi protektor hissəsində yaranmış kiçik deşiklərin peşəkar üsulla bərpası üçün istifadə olunan müasir şin təmir texnologiyasıdır. Bu üsul şinin həm daxili sızdırmazlığını, həm də protektor hissəsinin möhkəmliyini bərpa edərək təhlükəsiz istismarı təmin edir.

Radius-da Mini Combi təmiri:

• Zədələnmiş sahə yoxlanılır və təmirə yararlı olduğu müəyyən edilir.

• Şin diskdən demontaj edilir və zədələnmiş hissə hazırlanır.

• Xüsusi Mini Combi təmir elementi deşik hissəsinə daxildən quraşdırılır və deşik tam doldurulur.

• Təmir olunan sahə möhkəmləndirilir, hermetiklik yoxlanılır və şin yenidən montaj edilir.

Mini Combi təmirinin üstünlükləri

• Daxili sızdırmazlığı və protektorun möhkəmliyini eyni vaxtda bərpa edir.

• Xüsusi rezin material hava sızmasının qarşısını etibarlı şəkildə alır.

• Şinin balansına təsiri minimum səviyyədə olur.

• Adi təmir üsulları ilə müqayisədə daha davamlı nəticə təmin edir.

• Protektor hissəsində yaranmış 3 mm dən- 8 mm-ə qədər deşiklərin təmirində tətbiq olunur.

Qeyd: Mini Combi üsulu yalnız təmirə yararlı protektor zədələri üçün nəzərdə tutulmuşdur. Şinin yan divarında, çiyin hissəsində və ya istehsalçı tərəfindən təmirə yararsız hesab edilən zədələrdə bu üsul tətbiq edilmir.

Rema Stem protektor hissəsində yaranmış maili deşiklərin peşəkar üsulla bərpası üçün istifadə olunan iki hissəli şin təmir texnologiyasıdır. Bu üsul xüsusilə deşiyin istiqaməti şinin səthinə 15°-dən artıq bucaq altında olduqda tətbiq edilir. Belə hallarda birhissəli təmir elementlərindən istifadə tövsiyə edilmir.

Radius-da Rema Stem təmiri:

• Zədələnmiş sahə yoxlanılır və təmirə yararlı olduğu müəyyən edilir.

• Şin diskdən demontaj edilir və zədələnmiş kanal təmizlənərək hazırlanır.

• Maili deşik kanalına xüsusi Rema Stem rezin elementi yerləşdirilir və kanal tam doldurulur.

• Şinin daxili hissəsinə uyğun ölçülü təmir yamağı quraşdırılaraq Stem elementi ilə birlikdə möhkəm və hermetik təmir təmin edilir.

• Təmir tamamlandıqdan sonra hermetiklik yoxlanılır, şin yenidən montaj edilir və balanslaşdırılır.

Rema Stem təmirinin üstünlükləri

• 15°-dən artıq bucaq altında yaranmış maili deşiklərin təhlükəsiz təmirinə imkan verir.

• Deşik kanalını tam dolduraraq hava sızmasının qarşısını alır.

• Daxili təmir yamağı ilə birlikdə şinin konstruktiv möhkəmliyinin bərpasına kömək edir.

• Yüksək sürət və yüklənmə şəraitində etibarlı təmir təmin edir.

• Şinin balansına təsiri minimum səviyyədə olur.

Mini Combi və Rema Stem arasındakı fərq

• Mini Combi əsasən 15°-dən kiçik düz deşiklərin təmiri üçün nəzərdə tutulmuş birhissəli təmir elementidir.

• Rema Stem isə 15°-dən artıq maili deşiklərdə istifadə olunan ikihissəli təmir sistemidir və xüsusi təmir yamağı ilə birlikdə tətbiq olunur.

Qeyd: Rema Stem texnologiyası yalnız protektor hissəsində təmirə yararlı zədələr üçün tətbiq edilir. Yan divarda, çiyin hissəsində və ya istehsalçının təmirə yararsız hesab etdiyi zədələrdə bu üsuldan istifadə edilmir.

Radial Patch ilə soyuq vulkanizasiya radial konstruksiyalı şinlərin protektor və təmirə yararlı karkas zədələrinin bərpası üçün istifadə olunan peşəkar daxili təmir üsuludur. Bu texnologiya zədələnmiş sahənin möhkəmliyini bərpa edir və şinin təhlükəsiz istismarına imkan yaradır.

Radius-da Radial Patch ilə soyuq vulkanizasiya:

• Zədələnmiş sahə yoxlanılır və təmirə yararlı olduğu müəyyən edilir.

• Şin diskdən demontaj edilir və zədələnmiş hissə təmir üçün hazırlanır.

• Zədənin ölçüsünə uyğun Radial Patch seçilir.

• Xüsusi vulkanizasiya sementi tətbiq edilir və yamaq şinin daxili səthinə quraşdırılır.

• Vulkanizasiya sementinin quruması üçün istehsalçının təlimatına uyğun gözləmə müddəti saxlanılır.

• Şin yenidən montaj edilir, hermetiklik və balans yoxlanılır.

Radial Patch texnologiyasının xüsusiyyətləri

• Radial konstruksiyalı şinlər üçün hazırlanmış çoxqatlı elastik yamaqdan istifadə olunur.

• Soyuq vulkanizasiya yüksək temperatur tətbiq edilmədən xüsusi vulkanizasiya sementi vasitəsilə otaq temperaturunda həyata keçirilir.

• Vulkanizasiya sementinin ilkin quruma müddəti istifadə olunan materialdan və ətraf mühit şəraitindən asılı olaraq adətən 45 dəqiqədək təşkil edir.

• Təmirin tam kimyəvi vulkanizasiyası üçün istehsalçılar minimum 24 saat gözləmə müddəti tövsiyə edirlər.

• Radial kord qatlarının istiqaməti nəzərə alınaraq şinin konstruktiv möhkəmliyi bərpa edilir.

Üstünlükləri

• Təmirə yararlı karkas zədələrinin möhkəm və etibarlı bərpasını təmin edir.

• Şinin konstruktiv möhkəmliyini bərpa edir.

• Bahalı şinlərin vaxtından əvvəl utilizasiya edilməsinin qarşısını almağa kömək edir.

• Peşəkar şin təmirində istifadə olunan etibarlı texnologiyalardan biridir.

Qeyd: Radial Patch ilə soyuq vulkanizasiya yalnız istehsalçı tərəfindən təmirə yararlı hesab edilən zədələrdə tətbiq edilir.

İsti vulkanizasiya radial və diaqonal konstruksiyalı şinlərin təmirə yararlı iri zədələrinin bərpası üçün istifadə olunan peşəkar təmir üsuludur. Bu texnologiyada zədələnmiş sahə xüsusi təmir rezini ilə doldurulur və vulkanizasiya presində yüksək temperatur, təzyiq və müəyyən edilmiş vaxt ərzində rezinləşdirilərək şinin konstruktiv möhkəmliyi bərpa edilir.

Radius-da isti vulkanizasiya:

• Zədələnmiş sahə yoxlanılır və təmirə yararlı olduğu müəyyən edilir.

• Şin diskdən demontaj edilir və zədələnmiş hissə təmir üçün hazırlanır.

• Zədənin ölçüsünə uyğun Radial Patch seçilir.

• Şin xüsusi vulkanizasiya presinə yerləşdirilir.

• Vulkanizasiya prosesi istehsalçının təyin etdiyi temperatur, təzyiq və vaxt parametrlərinə uyğun həyata keçirilir.

• Vulkanizasiya başa çatdıqdan sonra şin tam soyudulur, daha sonra hermetiklik, balans və ümumi keyfiyyət yoxlanılır.

İsti vulkanizasiyanın xüsusiyyətləri

• Təmir yüksək temperatur və təzyiq altında həyata keçirilir.

• Təmir rezini şinin karkası ilə molekulyar səviyyədə birləşərək yüksək möhkəmlik yaradır.

• Karkasın və protektor hissəsinin konstruktiv möhkəmliyinin bərpasına imkan verir.

• Təmir iri və mürəkkəb zədələrdə tətbiq olunur.

İcra müddəti

• Vulkanizasiya müddəti istifadə olunan təmir sistemi və zədənin xüsusiyyətlərindən asılı olaraq müəyyən edilir.

• Minik avtomobillərinin radial şinlərində tipik vulkanizasiya müddəti təxminən 30–50 dəqiqə təşkil edir.

• Vulkanizasiya başa çatdıqdan sonra şin tam soyudulur və yalnız bundan sonra istismara verilir.

Üstünlükləri

• Təmirə yararlı iri zədələrin etibarlı bərpasını təmin edir.

• Şinin konstruktiv möhkəmliyini bərpa edir.

• Yüksək sürət və yüklənmə şəraitində etibarlı istismara imkan yaradır.

• Bahalı şinlərin vaxtından əvvəl utilizasiya edilməsinin qarşısını almağa kömək edir.

Qeyd: İsti vulkanizasiya yalnız istehsalçının təmirə yararlı hesab etdiyi zədələrdə tətbiq olunur. Yan divarda və ya karkasın təhlükəsizliyini pozan zədələrdə təmir qərarı istehsalçının təlimatlarına əsasən verilir.

Mövsümi saxlama

Mövsümi saxlama istifadə olunmayan yay və ya qış şinlərinin xüsusi saxlanma şəraitində qorunması xidmətidir. Düzgün saxlanma şinlərin fiziki xüsusiyyətlərini qoruyur, xidmət müddətini uzadır və növbəti mövsümdə təhlükəsiz istismarını təmin edir.

Radius-da mövsümi saxlama:

Qəbul və qeydiyyat

• Hər bir şin komplekti qəbul edilir, etiketlənir və müştərinin məlumatları ilə qeydiyyata alınır.

Saxlanma şəraiti

• Şinlər birbaşa günəş şüalarından uzaq, temperatur və rütubətə nəzarət olunan qapalı anbar şəraitində saxlanılır.

• Şinlər diskli və ya disksiz olmasından asılı olaraq istehsalçının tövsiyələrinə uyğun şəkildə yerləşdirilir.

Müntəzəm nəzarət

• Saxlanma müddətində şinlərin ümumi vəziyyəti, deformasiya və digər görünən qüsurlar baxımından nəzarətdə saxlanılır.

Müştəriyə təhvil

• Mövsüm dəyişdikdə şinlər quraşdırılmaq üçün hazır vəziyyətdə müştəriyə təqdim olunur.

Mövsümi saxlamanın üstünlükləri

• Şinlərin vaxtından əvvəl köhnəlməsinin, deformasiyasının və sərtləşməsinin qarşısını almağa kömək edir.

• Şinlərin xidmət müddətinin uzanmasına şərait yaradır.

• Şinlərin növbəti mövsümə təhlükəsiz istismar vəziyyətində saxlanılmasını təmin edir.

• Müştərinin şinlərin daşınması və saxlanması ilə bağlı əlavə vaxt və yer sərf etməsinə ehtiyac qalmır.

Qeyd: Şinlərin istismar xüsusiyyətlərinin qorunması üçün onların istehsalçının tövsiyələrinə uyğun şəraitdə saxlanılması vacibdir.